تكونت لدنيا قناعة سلبية أنه لا أمل في صلاح البلاد ما لم يتم تطهير المحليات، قامت ثورات على رؤوس الأنظمة لكن شعبنا 24 نظام، كل ساعة له نظام.
ونظام المحليات، والتي تدير الدولة من الداخل تتمتع بأسوأ نظام على وجه الأرض، فالوحدات المحلية تقوم بتحصيل الإتاوات من المواطنين المخالفين كلٌ على قدر مخالفته وتذهب هذه الأموال لجيوبهم الخاصة على سبيل الهدية، وبدل ما يدفع المخالف 1000جنيه تروح هباءً منثوراً لخزينة الدولة، يدفع 100 فقط للموظف الغلبان اللى هيغمض عينه. علشان كده تعرف موظف المحليات من وسط ألف، تلاقيه مغمض عين ومفتح عين، اللى يفتح مخه يغمض له العين التانيه، واللى يقول اشمعنه يبرق له ويفتح عليه نار جهنم.
ده ببساطة تفسير لحاجات كتيرة، لما تشوف مثلاً وانت راكب السيارة منزل صغير أو عشة مهدومة وتم إزالتها وجانبها بالظبط فيلا أو برج، اعرف إنه فيه ولاد قطة بيضاء مفتحين جيبوبهم وولاد كلب مش فاهمين الدنيا ماشية ازاى.
طبعا مش ذنب موظفو المحليات انهم يعلقوا يافطة مكتوب عليها ” يا الدفع الخاص، يا الدفع العام”.
وفى الحمراوى – مركز كفرالشيخ، هذه الصورة لحى الزمالك بقرية الحمراوى، مدخل القرية الرئيس، ش صلاح سالم القاهرة أو تقدر تقول كوبرى 6 أكتوبر، ناصية الوحدة الصحية الخرابة والناصية الأخرى مجمع مدارس.
ومش هقول ولا كلمة الصورة موجودة قبل المطر وصورة تانية بعد المطر، لكن للأسف الصورة مش مبينة للرائحة ولكن لك أن تتخيل اختلاط مياه الصرف الصحى بمياه المطر. وخلص الكلام
الرئيسية » أخبار التنمية المحلية » أخبار المحافظات » كفرالشيخ … مسلسل اهمال المحليات مازال مستمراً … طلاب المدارس بقرية الحمراوى يستغيثون
شاهد أيضاً
نائب رئيس مجلس الوزراء يعقد اجتماعًا مع وزيرة التنمية المحلية والسادة المحافظين لمناقشة خطط العمل لتنفيذ المشروع القومي للتنمية البشرية
نقله:سها عزت عقد الدكتور خالد عبدالغفار نائب رئيس مجلس الوزراء للتنمية البشرية ووزير الصحة والسكان، …