جريدة الدائرة الحمراء فى قلب الحدث
مقالات مشابهة
كمال فزع _ يكتب 
#عصابات_خطف_الأشخاص_وسرقة_الأعضاء))
والسواق بيندهله بيقوله تاكسي. نوية من أمام مكتبة هشام بالنبوي المهندس حوالي الساعه 2.5 واقف مستني تاكسي ومستعجل على الدرس بتاعه.
تفاجئ بعربية ملاكي حمراء بتقف قدامه
والسواق بيندهله بيقوله تاكسي.
فقاله أيوة .هو حضرتك تاكسي ?
قاله اه اتفضل …وركب الولد العربيه في الكرسي اللي ورا لأن كان راكب ست منتقبه قدام (راجل) مشيت العربية عادي وبعد دقيقه واحدة تانيه منقبة شاورت للعربيه.
فوقفت لها وركبت جنب الطالب ورا .. اتفاجي أنه هو كمان راجل من خلال الشعر اللي علي ايده.وهو بيضربه على دماغه بحاجه صلبه وشممه حاجه مخدره وراح الولد في غيبوبه..
وسافرت العربية من كفر الشيخ للقاهرة وفي الطريق كان بيفوق الولد ويسمع بعض المحادثات اللي يتدور في التليفون منها :
احنا معانا حاجه طازة اهيه كٍلية شاب صغير عايزين 17.000$ يابو عبدالله.
وبعد كده شم مادة التخدير تاني وراح بغيبوبه ثانيه لحد ما نزل من العربيه في بيت مهجور مليان حشرات وفران وعنكبوت..
دخلوه اوضه وهو بيقولهم سيبوني انا مريض وتعبان وهو في الغرفه سامع عياط أطفال وناس ثانيه في الاوضه اللي جنبه.
دخلت الناس تاني وهو بيتوسل لهم فقال واحد منهم لزميله: يا عم سيبه شكله تعبان وهيجيبلنا مصيبه زي اللي فات من كام يوم ومات.? رد عليه قاله سيبك منه دا بيستعبط.
المهم الأمر استقر أنهم كتفوه ورموه بعد ما خدروه بمنطقة الهرم.
شخص لقاه وفهم منه القصه والولد كلم والده وراح جابه من القاهرة .
تم تحرير محضر بالواقعه .. ووجب التنويه والتحذير وتوخي الحذر للجميع.ودا شرح مختصر الواقعه.
يارب رد كل غائب لأهله .. وربنا يطمن أهالي الأولاد المخطوفين دول خير.
انتبهوا من ركوب سيارات الملاكي وكأنها تاكسي..ونبهوا أبنائكم وكل أفراد عائلتكم واصحابكم.
الموضوع انا نقلته شرحا تفصيليا من لسان اخت الولد المخطوف..وربنا يستر على الجميع.
