جريدة الدائرة الحمراء فى قلب الحدث
مقالات مشابهة
بقلم: سيد عرفه
كلام × الممنوع
بشوف بعض البوستات الخبيثة في الجروبات هتقولي خبيثة ازاى هقولك اللي بتكون موجهة بس للستات وللبنات زى مثلا تلاقى واحد منزل بوست يسأل هو لو رجع بيكى الزمن هترضي تجوزى جوزك ولا هو جوزك فين دلوقت ولا هو جوزك بيبوسك قبل ما ينام ولالا وزنك كام ومنزل صوره يسأل جسمك اى جسم فيهم… أنت مال أهلك بكل ده اصلا هترضى حد يسأل مراتك او خطيبتك نفس الأسئلة دى ؟
لا
ازاى ؟
لأن أمه ومراته وأخته وخطيبته خط أحمر ممنوع الاقتراب منهم لكن بنات الناس وزوجاتهم خط ڤودافون.. للجميع.. يعنى حتى لو بيكلمك ويقول انه بيحترمك صدقينى بس هو من جواه شايفك واحده رخيصه لان ببساطه مش هيقبل حد يسأل نفس الاسئله والكلام لحد من اهله ف بوستات كلها خبث وللاسف ستات كتير بتتفاعل مع البوستات دى بمنتهى السذاجه والغباء ولا بعض الستات ممكن تلاقيها بسبب البوستات دى تتريق وتستهزء بجوزها وتغلط فيه كمان اختى الفاضله فوقى لنفسك الست المحترمه بنت الناس اللى بتعرف الاصول استحاله تغلط فى جوزها حتى لو جوزك فيه العبر حتى لو جوزك اسوأ راجل في العالم متخليش بوست تافه يجرك انك تتريقى عليه وتغلطى فيه من غير ما تحسى جوزك ده اللى طالع عينه طول اليوم علشانك وعلشان عيالك يبقى ابسط حقوقه تحترمى غيابه حتى لو كان اسوأ راجل اللى تقولك لا لو رجع بيه الزمن مش هوافق عليه واللى تقول ده غلطه عمرى ولا تقولك يبوسنى قبل النوم ايه ده بيرجع ينام وياكل اوعى تفتكرى ان كدا بتهزرى ولا مفكره حد هيتعاطف معاكى لا بلعكس ردودك دى الشباب وصاحب البوست بيفكرك فريسة سهلة بالنسبة ليه ولغيره هتلاقى بعد كلامك ده ناس بتدخل خاص لأنه خلاص بيفكر انك زهقانة ومجرد واحدة سهلة هتيجى بكلمتين حلوين وصاحب البوست اللى بيكلمك بمثالي وتلاقيه يعنى مهتم بحقوق المرأة والرومانسية والله لو فيه الخير مكنش قعد الفيس كان وفر وقته لمراته او خطيبته ومش بعيد تلاقيه بيدى مراته بالجذمه وعامل فيها سومه الحساس واللى بينزل بوستات من النوعيه دى والله والله تلاقيه شبه كلب البحر ومش بعيد يكون سالف تمن الباقه كمان وبيجرك ف الكلام وتغلطى ف جوزك من غير ما تحسى جوزك اللى ممكن يكون جزمته بالف واحد زيه نصيحه بلاش بوستات زى دى تجرك ف انك تغلطى ف جوزك حتى لو كان اسوء راجل اضحكى هزرى براحتك بس بعيد عن بيتك وحياتك واسرار بيتك دول خط احمر فوقى لنفسك وبلاش ترخصى نفسك علشان شخصيات وبوستات تافه وانتى غاليه ف الاخر ده فيس يعنى عالم وهمى
وبلاش حد يزعل من كلامي وتحياتي للجميع 🌹🌹
