جريدة الدائرة الحمراء فى قلب الحدث
مقالات مشابهة
بقلم محمدسيف
يقولون:
نظرا لتدنى نظرتنا للحياة بصفة عامة فى مصر وذلك لانتشار الجهل والفقر،فقد أصبح حساب التقدم برصف طريق وانشاء كوبرى وانتاج مسلسل او فيلم لا يستفيد منه سوى من انتج من اجله أو الممثلين.اريد ان اسال سؤال هل مصر التى كانت أمبراطورية وذات حضارة وعلوم قبل أن يخلق الله دولا كثيرة بآلاف السنين تستحق ذلك؟هل ننتج طائرة أو غواصة أو حاملة طائرات .هل ننتج سيارة هل ننتج أقمارا صناعية ؟هل كانت الديون أكواما ثم سددناها واصبحنا نسلف البنك الدولى؟هل عاد المصريون المشتتون فى أنحاء العالم بحثا عن الرزق الى وطنهم؟هل التعليم عندنا موجود أصلا أم حبر على ورق ومدارس خاوية على عروشها وديسكات عليها اكوام تراب واجهزة لم تستعمل نهائيا؟هل عندنا مستشفيات مثل الرياض وابو ظبى مثلا التى تمتلئ بأطباء مصريين؟هل أصبح عندنا فلاح يزرع الارض ويكسب جنيها واحدا بعد أن اصبحت شيكارة السماد ب ٢٥٠ جنيه وكيلو البذور المسرطن ب٢٠ جنيها وساعة الرى بطلمبة الماء ب٢٠ جنيها؟هل البحث العلمى انتهى من انتاج الاستيكة؟إن كانت الاجابة نعم ؟فأكيد المواطن الذى يعمل وظيفتين مرتاح.
ويزيدون:
كمان الحكومة صرفت معاش تكافل وكرامة لكل الناس المحتاجة اللي معندهاش أي مصدر دخل ومتقدرش تشتغل المعاش من ٨٠جنية ل٣٠٠جنية الحقيقة عملت اللي عليها علشان المساكين يكلوا ويشربوا ويلبسوا وبتعالجوا وممكن كمان يصيفوا والمعاش دا مش أي حد يأخده دا لازم حد يستحق أصلهم حقانيين ويقعدوا يجروا ورا الورق كام شهر ولما يقبضوا شهر والتاني يلاقوا المعاش انقطع ليه أصلهم سألوا لقوا صاحب المعاش عنده غسالة ومينفعش يبقي عنده غسالة وياخد معاش تكافل وكرامة ويسلام بقي لو طلع ف ثلاجة ممكن يدفعوه تعويض.
