قصيدة بعنوان: ابني ما متش

مقالات مشابهة

وفاة الفنان نبيل الحلفاوي

‏6 أيام مضت

فوائد غير متوقعة للاستحمام بالماء المالح في المنزل

‏4 أسابيع مضت

وزير الثقافة ومحافظ جنوب سيناء يفتتحان فعاليات الدورة التاسعة لمهرجان شرم الشيخ الدولي للمسرح الشبابي

16 نوفمبر، 2024

نقله: فاتن محمود

قالولها مات
وجابولها صورته قالت ماماتش
قالولها مات وجابولها حاجته
متعاصه دم قالت ماماتش.!!
جابولها ورقه من بنطلونه
حلفها فيها لو مات شهيد تفضل تزغرط وماتصوتش !!
فضلت تزغرط لحد صوتها ماراح خلاص ..
وف الارض طبت وراحت مجاتش .
قالولها اصحي ابنك مماتش ..
قامت تدور عليه وتنده
في كل حته ولاحد رد ..
تخش اوضته وعليه تدور
ولا شايفه حد ..
فتحت دولابه مسكت هدومه تشم ريحته
لاقت هدومه ريحتها ورد.!!
اخدت قميصه وقعدت علي حرف سريره وعينها نعست . شافت حبيبها عمال بيضحك ويقول لها عاوزااني امووت ؟؟
انا يااماا حي
واللهِ حي
طب امسكيني والمسيني
واحضنيني زي ماحاضنك ..
هاتي ايديكي وصدقيني انا لسه حي .. وصدقيني حقي جاي ..
انا بس عايزك تكوني صابره وجامده وصامده .. وهتشوفيني في اي واحد واقف مكاني ..
و لسه في الف غيري هيموت تاني ..
يا أمى اللي زيك تفرحي ابنك شهيد
وعريس في الف عروسه في الجنه يا امى مستنياني ..
قامت ياعيني م الحلم تجري وتمسك في بدله وتقول يا ابني ضاعت اماني وراحت امالي .. مين هيلبس البدله اللي جايبهالك ..
انا كنت من تحويشه العمر شاريهالك ..
انا كنت خايفه ماتعجبكش ..
دانا يابني قالولي ضناكي مات وبقول ماماتش .. اجيب حبيبي الصبر منين خلاص معادش .. ياناس دي اخر مره جاني
مالحقش ييجي وماقعدش..!!💔 😥

اللهم ارحم جميع شهداء مصر.
اللهمّ آمين يارب العالمين