جريدة الدائرة الحمراء فى قلب الحدث
مقالات مشابهة
كتبه: صلاح فهمى
أكثر واحد مظلوم في التعليم ( مدير المدرسة )
مسؤل عن كل كبيرة وصغيرة في المدرسة
مسؤل عن أبنائه الطلاب وعن العاملين يعاقب المخطئ ويدعم المخلص
ومحدش سايبه في حاله
في الإدارات يرن عليه رؤساء الاقسام ومديروا المراحل وشئون الطلبة وشئون العاملين والإجازات والحسابات والماهيات والماهياتشي وووووو
وكل واحد عايز بيانه الآن ناو حالا وياريت يطلب منه الطلب وخلاص لا ده يتبع طلبه كلمة والا
والا دي تهديد
يعني لو ما نفذتش هعمل فيك …. مذكره تحويل شؤن قانونية نيابة ادارية ….او اشيلك من مكانك ..
مش كده وبس يدخل عنده مثلا خمس ست زائر ما بين توجيه أو متابعه وممكن ولي أمر
وكل واحد عايز طلب واتنين وثلاثة
هاتلي دفتر الامن
هاتلي دفتر الحضور والانصراف
هاتلي سجل الإشراف
هاتلي المشرف العام
هاتلي الوحده المنتجه
هاتلي هاتلي هاتلي…..
وبعدين خد امضيلي علي كذا وكذا وكذا …
………
وفي الآخر مدير المدرسة كبش فدا
يشيل أخطاء رؤساءه ومرؤسيه……. ألف مليون تحيه وتقدير لكل مدير مدرسة يراعى الامانة…
