الثلاثاء , 6 مايو 2025
الرئيسية » أقلام وأراء » ليه بكره بيرجف خوف من إمبارح… بقلم صلاح فهمى

ليه بكره بيرجف خوف من إمبارح… بقلم صلاح فهمى

بقلم: صلاح فهمى

سألتك ليه
نخيل الصيف دا مش طارح؟
وليه بكره بيرجف خوف من إمبارح
وسارح فيكي حزن مخيف
وليه حضنك ما عادش نضيف
وليه فيكي الخريف شهري
وليه قطرك تملي يفوت على ضهري
وليه بتحبي تغريبي
وتتباهي بتعذيبي
أشب أقطفلك الأحلام
تشبي إنتي على شيبي
تهدي عليا تعريشتي
أقول ياللي إنتي تحويشتي
هأموت……
بس إنتي لو عيشتي
هتاخدك خطوتينك فين
ولما تعودي م التوهه
بقلب حزين
هتحضني مين؟
ومين هيغني لعيونك كما غنيت
ومين هيصلي ف رحابك كما صليت
ومين شالك في قلب القلب
ﻻ قال تعبان ولا مليت
دانا المقتول في حبك صَلب
وانا من صُلب أهل البيت

شاهد أيضاً

حق التقاضى كفله الدستور للجميع.. وليس لمن استطاع اليه سبيلا

بقلم: محمد رمضان المحامى ناس كتير بتسأل هو ليه المحامين كل يوم والتاني بتعمل مظاهرات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *