جريدة الدائرة الحمراء فى قلب الحدث
مقالات مشابهة
نقله: عايدة مصطفى
بمناسبة امتحانات نهاية العام الدراسي:
أولا: امتحانات أولى وتانية ثانوي عام:
= تبدأ ٨ مايو وتنتهي ٢٣ مايو.
= الامتحانات على مستوى الإدارة التعليمية.
= سيوضع الامتحان من خلال موجه أول المادة.
= الامتحان في كل مادة: أسئلة اختيار من متعدد بنسبة 85% وأسئلة مقالية قصيرة بنسبة 15%.
= طلاب المدارس الحكومية اللي استلموا التابلت ومدارسهم متصلة بالانترنت هتكون أسئلة الاختيار من متعدد بنسبة 85% على التابلت والاسئلة المقالية بنسبة 15 ورقي.
= لو مفيش تابلت مع الطالب ولا إنترنت في المدرسة يتم أداء الامتحان ورقيا سواء اختيار من متعدد أو مقالي.
= لو حصلت مشكلة تقنية في أي مادة أثناء أداء الامتحان على التابلت يتم أداء الامتحان ورقيا لهذه المادة في نفس موعد الامتحان المحدد بالجدول.
= الامتحان الورقي هو نفسه الامتحان الالكترونى وتتولى كل مدرسة عملية التصحيح وإصدار النتيجة.
= الطالب اللي مستلمش تابلت خلاص مش هيستلم السنادي.
= الكهرباء مش هتقطع في أي مدرسة أثناء فترة الامتحانات.. من يوم ٨ مايو حتى ٢٠ يوليو.. يعني لحد الثانوية العامة ما تخلص.
= امتحانات الثانوية العامة: ٣٠٪ أسئلة بسيطة و٤٠ متوسطة و٣٠٪ مستويات تفكير عليا.. يعني 70 % من أسئلة كل مادة (بسيطة ومتوسطة المستوى).
= امتحانات الشهادة الإعدادية في كل محافظة بنفس نظام التيرم الأول.. اللي امتحن بوكليت هيمتحن بوكليت واللي امتحن بورقة أسئلة عادي هيمتحن بيها في نهاية السنة.
= مهم لطلاب الثانوية العامة: المواد غير المضافة للمجموع (الدين – التربية الوطنية – الاقتصاد – الإحصاء).. لازم تنجح في التلات مواد مش مهم تجيب فيهم مجموع كويس ولا الدرجات النهائية، لأنك – بعد الشر عليك- لو جايب ٩٩٪ في نتيجة الثانوية العامة مش هتدخل مرحلة أولى في تنسيق الجامعة طالما شايل مادة من المواد غير المضافة للمجموع ولازم تدخل فيها دور تاني وتنجح فيها.. بلاش تهملوا المواد دي لأن كل سنة طلبة متفوقة بتسقط في مواد غير مضافة للمجموع.
= بلاش تحفظوا قوانين الإحصاء.. هتلاقوها موجودة في نهاية بوكليت أسئلة الامتحان.. وكتيبات المفاهيم اللي هتتوزع عليها هتلاقيها على موقع الوزارة شوفها علشان تدرب عليها بدري.
= ادخلوا على موقع الوزارة هتلاقوا كتب تعليمية فيها ملخص لكل درس وكل وحدة دراسية.. هتلاقوا شرخ بسيط وسهل هيغني الطالب عن أي كتب تانية.. والكتب التعليمية اللي على موقع الوزارة فيها تدريبات وأسئلة للطالب يجاوب عليها علشان يعرف مستواه في كل درس.
= هتلاقوا على موقع الوزارة بنك أسئلة من ٤ ابتدائي وحتى ٣ ثانوي علشان الطالب يتدرب طول الوقت على شكل الأسئلة وملخصات كل درس + في نهاية كل امتحان الطالب هيعرف مستواه ونقطة الضعف عنده.. والأسئلة دي نسخة طبق الأصل من الامتحانات اللي هتيجي للطلبة سواء في صفوف النقل أو الشهادة الإعدادية والثانوية العامة (ركزوا عليها).. يبقى كدة عندك ملخصات للمنهج وعندك أسئلة لدروس المنهج كله.
