جريدة الدائرة الحمراء فى قلب الحدث
مقالات مشابهة
بقلم: محمد رمضان المحامى
ناس كتير بتسأل هو ليه المحامين كل يوم والتاني بتعمل مظاهرات هي العالم دي فاضيه ولا هما بتوع مشاكل ولا هما عوزين يعملوا ترند وخلاص ؟
احب اقول لحضراتكم إحنا المحامين مش فاضيين ولا بتوع مشاكل ولا نبحث علي الترند ولما بنقف واقفه احتجاجية بيكون سببها الحفاظ علي حقوق حضرتك واخرها مظاهرات امام محاكم مصر
عشان رؤساء المحاكم قرروا يزودو الرسوم ( أسعار خدمات المحاكم ) ٦٠٠٪ يعني ٦ أضعاف تقريبا
الحاجة اللي بتتكلف ١٠٠٠جنيه هتتكلف ٦٠٠٠ جنيه
بالإضافة إلى فرض رسوم على المستندات اللي بنقدمها للمحكمة .. يعني لو معاك مستند مكون من ١٠ ورقات مثلا عايز تقدمه للمحكمة هتدفع عليه ٣٥٠ جنيه عكس الاول كانت ببلاش
وطبعا ساعات بنحتاج نقدم ١٠٠ ورقة كمستند احسبها انت بقي
المشكلة مش عندي انا كمحامي .. لاني مش هدفع من جيبي هضطر ازود الاتعاب على الموكل والجمهور وللاسف اغلب المتقاضين ناس غلابة بيدورو على ابسط حقوقهم وصعب يدفعو المصاريف الزيادة دي كلها عرفت انا بتظاهر ليه وعلشان مين طيب تعرف رفع المحامون لافتات مكتوب عليها عبارات ايه مثل: «لن يصبح التقاضي لمن استطاع إليه سبيلا، نقابة المحامين ترفض زيادة الرسوم، لا لفرض رسوم بدون قانون، لا لمخالفة مواد الدستور,”نرفض الرسوم القضائية، العدالة للجميع وليس للقادرين، نرفض زيادة الرسوم القضائية، لا رسوم إلا بقانون، لا لرسوم الجباية»، مؤكدين على أن الرسوم القضائية تعطل عملية التقاضي وتؤسس لقانون الغاب. وان زيادتها وحاليا في الوقت الحاضر تجعل التقاضي اصبح لمن استطاع اليه سبيلا بعد ان كان حق التقاضى مكفول لكل مواطن ٠٠٠٠
