جريدة الدائرة الحمراء فى قلب الحدث
مقالات مشابهة
في التسعينات
الرئيس مبارك راح يزور سينا بمناسبة احتفالات نصر أكتوبر
وفي مبنى المحافظة إجتمع مع المحافظ والمسئولين بتوع سيناء والكلام كان عن مشروعات التنمية
المحافظ قال للرئيس إن المشروعات ماشية زي الفل.. والخدمات دخلت للأهالي
ومطالب السيناوية ابتدت تتحقق
ومبارك سأله عن بعض التفاصيل.. والراجل إداله التمام على كل حاجة.. وقاله: سيادتك الناس مش مصدقين اللي حاصل على الأرض، وبيدعولك ليل نهار
وكانوا مستنيين زيارة حضرتك بفارغ الصبر.
الرئيس مبارك فرح بالكلام وابتسم.. وقالة
عال عال.. واللي جاي أحسن إن شاء الله
وبعد كدا نزل عشان يتفقد بعض المشروعات ويشوف الوضع على الأرض
وطبعا كل حاجة كانت متظبطة والشوارع نضيفة.. زي ما بيحصل لما الرئيس يزور أي مكان
المهم.. في نص اليوم الرئيس طلب يقعد مع مجموعة من أهالي سيناء وشيوخ القبائل والبدو
والطلب كان مفاجأة للمحافظ ورجالتة
لكن مكنش قدامهم غير التنفيذ
وحصل فعلاً
وآخر اليوم الرئيس مبارك قابل شوية من الأهالي.. وابتدى يسألهم: عاملين إية
وإيه الأحوال
والناس كانت بترد بكلمة ولأ كلمتين زي “الحمد لله.. الأمور ماشية
ومبارك لاحظ إن محدش منهم راضي يتكلم
وعشان كدا عمل حاجة مكنتش على البال
طلب من المحافظ والوزرا يخرجوا عشان يقعد مع الأهالي لوحدة
وبعدها قالهم مالكم.. فيه إية أنا مش غريب عن سيناء وعارفها شبر شبر
اتكلموا.. محدش يخاف
وهنا وأحد من البدو قام وقال لمبارك
سامحني على الكلام ياريس
بس حالنا أيام الإحتلال كان أفضل من دلوقتي
الرئيس مبقاش مصدق اللي سمعة وسألة
إية اللي بتقوله دة معقولة
الراجل ابتدى يشتكي إن مفيش خدمات ولأ سلع ولأ أي حاجة وإنهم مش عارفين يعيشوا
وقالة
كنا فاكرين بعد التحرير الحال هيتغير
إحنا دفعنا تمن كتير بس محدش فاكرنا خالص ولا باصص علينا.. كإننا مش مصريين
الدم غلى في عروق مبارك وانفعل على الآخر ونده على المحافظ وسألة
أنت بتكذب عليا
المحافظ رد العفو يا فندم.. خير فيه إية
مبارك قالة
عمال تقولي عملنا وسوينا والناس مبسوطة وكل ده فنكوش.. وكذب في كذب
وشهد محمود صبرة – المدير العام لمكتب الرئيس حوالي 18 سنة
إن مبارك كان منفعل أكتر من أي مرة تانية في حياته بعد جملة “أيام الاحتلال كانت أحسن”
وعشان كدا وقبل ما المحافظ يرد ويكمل في الكذب
قام من مكانة ورزعة بالشلوت أدام كل اللي قاعدين
وبعدها المحافظ رجع على بيتة حتى من
غير ما يلم ورقة وخلال أيام اتعين محافظ تاني لسيناء
رحم الله الرئيس مبارك وغفر له وتجاوز عن سيئاتة
