جريدة الدائرة الحمراء فى قلب الحدث
مقالات مشابهة
نقله:طلعت المغازي
في وقت بقى فيه “أنا مالي” شعار كتير من الناس، ولسان حال اليوم “مصلحتي أولًا”، لسه في ناس بتثبت إن لسه فيه أمانة في القلوب.
حادث مروري مروّع على الطريق الصحراوي بمحافظة المنيا. رجل بين الحياة والموت، ووسط الألم والصدمة، نطق بكلمات قليلة لكنها غالية: “شنطتي فيها أمانات”.
المسعفون استجابوا بسرعة، ولقوا الشنطة اللي اتكلم عنها… محتوياتها صادمة: قرابة 6 ملايين جنيه نقدًا، وذهب يُقدَّر بـ4 ملايين جنيه.
ورغم قسوة الموقف، لم يتردد المسعفون لحظة. بدون تردد، وبدون حتى التفكير في ما تحتويه الشنطة، سلّموها كاملة لابن المصاب، بكل أمانة وشرف.
الموقف مش بس عن ملايين، الموقف عن إنسانية… عن ضمير حي، وقلوب لسه بتعرف معنى الشرف.
لأن الأمانة مش بس فلوس، الأمانة إنك تكون إنسان في زمن الخيانة، وصاحب مبدأ وسط الزحام.
تحية لكل أمين، ولكل ضمير لسه صاحي، ولكل واحد بيرد الأمانة من غير ما يستنى شكر.
