الإثنين , 20 مايو 2024
الرئيسية » أخبار التعليم » إلى وزير التعليم… أولياء الأمور يستغيثون من النظام الحديد

إلى وزير التعليم… أولياء الأمور يستغيثون من النظام الحديد

كتبت: وفاء عطافي

بجد اللي بيحصل في ولادنا في اول وثاني ثانوي دا كتير و مش هنقدر نتحمله
الاولاد بيفضلوا طول ليلة الامتحان صاحيين مش بيناموا و مش بيذاكروا عايشين في حاله من التوهان هم و اهاليهم
الولد من دول طول التيرم طالع عينه مذاكره
و مذاكره يعني اللي يلزمه حفظ بيحفظه واللي يلزمه فهم بيفهمه و في الاخر يدخل اختبار العربي مش عارف حتى يقرأ النص عشان يفهمه و يحاول يجاوب على المطلوب
نصوص من الشعر الجاهلي على اصوله اللي تحسهم كانوا بيتكلموا بلغه غير لغتنا و يا ريت جت على حد اللغه العربيه لا
لازم موجهين و فلاسفة اللغه الانجليزيه يثبتوا دورهم
و يخرجوا على الاولاد باختبار ملوش راس من رجل و دا الحال دايما في الثانويه العامه في مادتي اللغه العربيه و اللغه الانجليزيه كأنهم داخلين تحدي مع بعض
دا غير طبعا النظام الجديد اللي احنا مش قادرين نفهمه ولا عارفين حترسى بينا وبولادنا الامور على ايه
مستقبل العيال مبهم مبقاش زي زمان واحد + واحد يساوي اتنين او مبقاش من جد وجد و من زرع حصد
ماشين بدون خطه يوم بيومه الا ان يأتي فرج الله

يا ريت الناس اللي فاهمه و مؤيده نظام الثانويه الجديد و بتنادي بالتطوير تفهمني فين التطوير في المهازل دي

شاهد أيضاً

الوكالة الأمريكية للتنمية الدولية تقدم منحا دراسية جامعية في مصر لطلاب الثانوي العام الحكومي والتجريبي ومدارس STEM للعام الدراسى الجامعى 2024 / 2025

نقله :محمد سيف يقدم “برنامج المنح الجامعية” و”برنامج رواد وعلماء مصر” المقدمين من الوكالة الأمريكية …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *