الأحد , 18 أبريل 2021
الرئيسية » أقلام وأراء » كلام العصاري…مع القهوة..

كلام العصاري…مع القهوة..

 

 

 

 

كتب/ حماده ابو عريضه

خلينا متفقين ان محدش يقدر يمنع اى حد حاليا من انه يقول اى حاجة ويقدم اي حاجة مهما كانت مبتذلة لان فيه يوتيوب وساوند كلاود ومليون طريقة لكن الدولة تقدر تتحكم في المنتج الثقافي اللي بيخرج باسمها الناس عمالة تتخانق وتاكل في بعض والمدافعين عن المهرجانات اختصروها في اغنية بنت الجيران وبنوا عليها دفاعهم واللي بالمناسبة انا بحب اسمعها…..اسمعها مش اغنيها واحفظها لكن مش كل المهرجانات بنت الجيران دا فيه اغاني محتاجة بوليس الاداب مش نقابة الموسيقيين ومش علشان الاغاني دى ما اخدتش شهرة بنت الجيران تبقي مش مسموعة لاااا مسموعة وبمئات الالاف والاعداد علي الفيديوهات موجودة…دة حقيقه لايمكن نكرانها وفيه اهالي بتعاني من ارتباط ولادها بالنوعيات دى والجرى ورا حفلاتهم وكلامهم وطريقتهم التي لاتليق وحقهم علي الدوله ان يكون فيه رقابة علي الكلام اللي ولادهم بيسمعوه في الحفلات دى واظن دا ميزعلش حد لان الحرية مش مطلقة بلاش المناقشات تاخد شكل الصراع والخناقات والله ما يصح يحصل كدا وخاصة بين الاصحاب وبعدين معلشي بمناسبة الاهانات اللي نازلة علي هانى شاكر هاني بيقدم فن يخضع للتقييم من ناحية الحب والكره وان ممكن يبقي دمه تقيل علي قلب البعض لكن في الاخر بيقدم فن مش ابتذال انسان راقي ومحترم وميتحطش في مقارنة مع بتوع المهرجانات…لاسباب كتيييير اعتقد انها معروفه لمعظعم الناس وخصوصا الاجيال السابقه لهذا الجيل فبلاش نحط اي حد من الجيل السابق او الحاليين مع الجماعه دول… اللي عمرهم ما هيبقوا واجهة لمصر ولا حد يفتخر ان يبقي دا هو شكل مصر وقوتها الناعمة

شاهد أيضاً

حال الأخوة في تركيا لا يسر مرقص ولا كوهين

كتبه: محمد كامل صلاح الجماعة اللى فى تركيا حاليا ينطبق عليهم الآيه الكريمة ٠ —: …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *