جريدة الدائرة الحمراء فى قلب الحدث
مقالات مشابهة
شعر: محمد سيف
“المحروسة”
يا مصر يا محروسة
عاشق انا ترابك
احمي حماك بروحي
واقف على بابك
خادم يا مصر لك
ولكل أحبابك
لو تأمروا عليك
في شر ما صابك
تطلب عيوني هي
راح اقولها حاضر
بلدي مهد العلوم
في الماضي والحاضر
حارسك عناية الله
وشبابك القادر
احاول اتقل عليها
الاقيني مش قادر
كلي مشتاق اليها
دى حبها نادر
في الغربة شوقها بيكوى
والشوق اليها مرار
قلبي عليل الهوى
وفكري فيها احتار
ارجع يا بلدي لحضنك
أصلي غريب الدار
ارتاح في يوم على صدرك
وأطفي لهيب النار
