الأحد , 28 فبراير 2021
الرئيسية » أقلام وأراء » شعر: جدى صعيدى… بقلم محمد سيف

شعر: جدى صعيدى… بقلم محمد سيف

شعر بقلم: محمد سيف

 

جدى صعيدى وابوى صعيدى

وراسى ناشف كيف واد هريدى

سلاحى صاحى ودايما فى ايدى

اسمع يا ولدى واحفظ كلامى

ان غاب فى يوم عنك سلامى

اوعى تفكر لحظة ف الامى

انا لحمى مر ودمى حامى

تفكيرى واعر وفلاذ عظامى

ابوك كبير بجد يا بنى

ومن الصغار ولا حد صابنى

ولا يوم هتحصل جبان يجبنى

وصية واجبة عليك يا ولدى

ان يوم اصابنى جرح فى غربة

قبر ابوية يكون لى تربة

قبر ابوية يكون لى تربة

وتاري يابنى

وتارى يا بنى عليك امانة

لازم تركع ابن الجبانة

مش واحده يركع

مش وحده يركه

يشوف عياله وعيال عياله

وتشرب امه قدام عيونه تمن الخيانة

وأخرة طلقة ويروح لحاله

وتبقى تكفى شر القتال

وتصفى يابنى وتعيش رجال

وان جه يصافحك كم من رجال!

قبل الوصية د شئ محال

بعد الوصية يكون مجال

ياللى ورثت جينات ابويا

دم الرجولة دم حلال

مش كل رجل يتعد واحد

د فى بأمة، وفى عيال

وفى ولية بألف رجل

وفى رجل اسمه دلال

أخر وصيتى يا نور عيونى

أنا لسه قادر على أى حال

وعندى قلب كيف الجبال

ما يهزه ريح ولا كتر مال

وربى يبقي بينا الوصال

شاهد أيضاً

قانون_الأحوال_الشخصية_بين_المطرقة_والسندان

كتبه: خالد الشربيني …تستمر الأزمة طاحنة وتدور رحاها على كافة أطراف العلاقة الزوجية (المرأة، الطفل، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *