جريدة الدائرة الحمراء فى قلب الحدث
مقالات مشابهة
نقله: خالد فتحى عبدالخالق
لما تلاقي الشرطه في الشارع بتلم الطياره الورق من اللي بيطيروها فوق أسطح العمارات ياريت منشتمش ولا نعترض ولا نقول جمله ايه الناس الفاضيه دي وفيها ايه مايسيبو العيال تلعب اهم بيسلو وقتهم
هو ضابط شرطةمش نازل يكبس علي نفسكم ويخليكم تبطلو لعب ويخنق عليكم
ولا هو فاضي مش لاقي حاجه يعملها فنازل يرخم عليكم وعلي ولادكم ده بالعكس بيبقي وراه هم مايتلم
فااكيد لازم تخف عليهم شويه اذا كانو هما ولا الأطباء مهو الأطباء برضو هيعالجو ايه ولا ايه كفايه عليهم فيروس كورونا ويادوب يقدرو يعالجو فبلاش نزود عليهم الضغط بحوادث السقوط من مرتفعات والكسور
لازم نفهم أن الظابط نازل علشان حاجه واحده بس يحافظ علي حياه اولادكم حضرتك ياللي معترض اعمل سيرش كده في الشهر ده كام حاله وفاه لشباب واطفال بسبب طائرة ورق سواق صعق كهرباء أو سقوط من اعلي سطح منزل هتلاقي العناوين كالتالي
*سقوط طفل من اعلي سطح منزله أثناء لعبه بالطائره الورقيه
*سقوط شاب من الدور السادس أثناء لعبه بالطائره الورقيه
*سقوط مراهق علي سيخ حديد يخترق جسمه بسبب لعبه بطائره ورقيه اعلي سطح منزله
*قطار يدهس طفل أثناء انشغاله ولهوه بالطائره الورقيه ولم يعي أنه يقف علي مزلقان القطار
*العثور علي جثه شاب بمنور أحدي العمارات بعد سقوطه من اعلي سطح منزله أثناء لعبه بالطائره الورقيه
*طائره ورقيه تتسبب في صعق شاب بسبب التفاف خيوطها بسلك الكهرباء
*تسبب طائره ورقيه بقطع اسلاك الكهرباء وسقوطها علي سيده بالشارع بعد التفاف حبلها علي السلك
*طياره ورق كانت هتسبب في سقوط مروحيه (هليكوبتر) بمنطقه سكنيه ايون زي هو زي مانت بتقرا كده بالظبط ده بروايه سكان المنطقه (العهده ع الراوي يعني )
بسبب أن حبل الطياره الورق الكبيره والدنيا ليل والمروحيه طائره علي مسافه قريبه لأنها لسه طالعه فالحبل جه بين جسم الطياره ومروحه الطياره وده ناتج عن أن الموضوع تطور وبقي منافسه بين سكان المناطق عن اكبر طائره ورقيه واطول مده طيران الطياره الورق دي في الهوا فكان طبعا أن الطياره تفضل طايره مده طويله حتي لو الليل جه عليها وطبعا كل لما حجم الطياره بيكبر اكيد طبعا الخيط أو الحبل اللي مربوطه بيه هيكبر فكان هيحصل بسببها كارثه هتتسبب في موت طقم المروحيه وكمان الناس اللي في المنطقه اللي هتسقط فيها المروحيه
وهكذا قيس علي كده كتير جدا فقبل مانعترض نفكر اه كلنا عاوزين نهزر ونلعب بس اكيد نكون واخدين حظرنا يعني مثلا الطياره الورق بنطيرها في المصيف ع البحر وانا واقف ع الأرض ومفيش حواليا سلك كهرباء ، وبنطيرها في الجناين في مكان مفتوح بس مينفعش اسيب ابني بيطير طياره ورق ومركز جدا معاها وهو واقف علي سطح من غير سور ولا علي برج حمام من فوق علشان يطير طياره وتبقي عاليه واقول وايه يعني مهو بيلعب وبيسلي وقته علشان في الاخر فعلا بنشوف بشكل يومي اخبار زي اللي مكتوبه فوق دي
معلش طولت عليكم بس فعلا ياريت كل واحد يخلي باله من أولاده وربنا يحفظنا جميعا.
