الأحد , 28 فبراير 2021
الرئيسية » أقلام وأراء » الفرق بين المدير الغاز والمدير الكهرباء

الفرق بين المدير الغاز والمدير الكهرباء

كتبه: هانى الصنفاوى

لو مليت جردلين مية سخنة بنفس درجة الحرارة بالظبط….
جردل من سخان كهربا..
وجردل من سخان غاز..
تفتكر الاتنين هايبردوا بعد نفس الوقت !!!!!!!!
كنت عايز اسيبك تفكر شوية……
بس مش مهم …
الإجابة لأ طبعاً…..
الجردل اللي فيه مية من سخان الغاز هاتبرد أسرع من المية اللي من سخان الكهربا…
يعني لو جردل الميه اللي من سخان الغاز هايبرد بعد نص ساعة..
جردل الميه اللي من سخان الكهربا هايبرد بعد ساعة..
عارف ليه!!!!!!!
لأن المية اللي من سخان الغاز سخنت عن طريق المرور علي مواسير سخنة جدا..
ودى عملية أسمها sensible heat
انما المية اللي من سخان الكهرباء …دى مية سخنت علي الهادى وفضلت تسخن علي مهلها لحد ما وصلت لدرجة الغليان…..
ودى عملية أسمها Latent heat
نفس النظرية دى تنطبق علي ناس كتير …
ناس بقت مديرين في خلال شهور ودول ممكن نسميهم
Sensible Managers
وناس تانية بقت مديرين بعد ما ادعكت واتمرمطت خلال سنين وسنين…ودول ممكن نسميهم
Letent Managers
الأتنين مديرين صحيح
بس واحد هايبرد ويفشل بعد شهور او سنين لأنه مدير غاز.
والتاني هايفضل مكمل طول عمره لأنه مدير كهربا .
مش ممكن نساوى بين الاتنين مهما كان الأمر
المدير اللي استوي علي نار هادية.. ده معلم كبير.. وخبراته التراكمية رهيبة..
التاني بقي مدير علشان عنده واسطة..
او علشان عصفورة..
او بالحظ.. وده مش مدير أصلا.
كل ما الواحد بيتعب و يشقى للوصول لهدف بيكتسب خبرات تراكمية كبيرة فى السكة و هو ده الرصيد الحقيقى…..

شاهد أيضاً

قانون_الأحوال_الشخصية_بين_المطرقة_والسندان

كتبه: خالد الشربيني …تستمر الأزمة طاحنة وتدور رحاها على كافة أطراف العلاقة الزوجية (المرأة، الطفل، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *