الجمعة , 19 أبريل 2024
الرئيسية » أقلام وأراء » بصة الوداع الأخيرة عند دفن الأب

بصة الوداع الأخيرة عند دفن الأب

كتبه: هشام كامل

البصة دى بالشعور ده .. 90 % من اللي ابوهم توفي عدت عليهم.. في الوقت ده الناس كلها بتبقي في دنيا وانت فى دنيا تانية خالص . هما بيبقي كل تفكيرهم هيندفن فين .هناخد انهي طريق . هنوصل امتي . وانت بيبقي تفكيرك هوا انا مش هشوفه تاني ؟ .. هوا انا المفروض اعمل اي دلوقتي عشان اشبع منه؟ كل الناس موجودة اهي امال هوا فين ؟ بتبقي شايف الناس طشاش لسانك اللي بيرد عليهم لكن مخك وقلبك وعنيك في مكان تاني خالص اللي بيحصل ان قدرات استيعاب مخك في اللحظة ده بتندم علي كل فرصة ضيعتها .. علي حضن كان مفروض يتحضن ومتحضنش .. علي كلمة حلوة مفروض تتقال ومتقلتش.. علي ضحكة استخبت ومطلعتش .. وبعدها بتروح تدفن ابوك وبتدفن حتة حلوة منك معاه حتة بتروح ومبترجعش حتة من العمود الفقري بتتكسر بس مش من العمود الفقري بتاع ضهرك العمود الفقري بتاع حياتك 💔 الله يرحمك يا بابا

شاهد أيضاً

اتيكيت… بلاش تمغص على الناس عيشتهم

اعده: لبنى نيازى – لما تزور حد والحد ده ساكن في مكان بعيد والطريق لبيته …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *