الجمعة , 29 مارس 2024
الرئيسية » أخبار مصر » Cira3 لكشف لتشخيص كورونا عن بعد

Cira3 لكشف لتشخيص كورونا عن بعد

نقله: حماده ابوعريضه

اللي في الصورة ده “محمود الكومي”.. مهندش مصري صغير في السن نسبياً بس كبير في المقام.. متخصص فى ميكاترونيك.. حب يعمل محاولة من خلال تخصصه يساعد بيها فى حماية أفراد الأطقم الطبية خلال مواجهة فيروس كورونا.. بعد فترة دراسة وتجريب كتير قدر “محمود” يصمم إنسان آلي “روبوت” يقدر يتحكم فيه عن بُعد ويقدر ياخد مسحات من الناس المشتبه فيهم إن عندهم كورونا، ويقيس درجة حرارتهم!.. حاجة غريبة ومش متعودين عليها في مصر صح؟.. صح بس أهو حصل.. سمى الروبوت بتاعته “Cira1”.. بعدها حاول يتلافى الأخطاء اللى حصلت في الإصدار الأول فعمل بعد إصدارين جُداد ورا بعض.. “Cira2″، و”Cira3”.. “محمود” أهدى النسخ اللي صممها لـ مولات تجارية ولمراكز ومستشفيات طبية في بلده “طنطا”، والروبوت عامل شغل فيهم الله ينور.. الروبوت بيعمل تخطيط صدى القلب والأشعة السينية ومعظم الفحوصات الطبية اللي بيقوم بيها الطبيب بس بدون طبيب وبيعرض النتايج على المرضى على شاشة مثبتة في صدره، وبيسحب مسحات من فم وأنف المريض أو المشتبه فيه، وبيسحب عينات الدم ومجهز للحقن من على بعد وبيحدد الشريان المناسب بالأشعة تحت الحمراء، وبيعمل تعقيم ذاتي بالبلازما والأشعة فوق البنفسجية والمحاليل المعقمة، ولو موجود في مكان بيقدر يتعرف على الناس اللي مش لابسة كمامة وبيطلع إنذار عشان ينبه اللي حواليهم!.. الروبوت بتاع “محمود” تم إختياره رقم 1 من قائمة 20 ربوت على مستوى العالم بحسب وكالة روتيرز.. شاب مصري بسيط وجميل ودماغه ألماظ، وواحد من اللي بيحسسوك إن خير البلد دي في شبابها وعقولهم واللي لو أخدوا الفرصة بس هيقلبوا الدنيا.

شاهد أيضاً

مصر.. دار الإفتاء تحدد قيمة زكاة الفطر والفدية

نقله:سها عزت حدد مفتي مصر شوقي علام قيمة زكاة الفطر لهذا العام بـ35 جنيها كحد …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *