السبت , 24 يوليو 2021
الرئيسية » مجلس الوزراء » أخبار الصحة » نقلا عن اطباء العزل٠٠٠ ٠٠٠٠التفاصيل الكاملة في حالة ظهور اعراض برد تعامل علي انها كورونا

نقلا عن اطباء العزل٠٠٠ ٠٠٠٠التفاصيل الكاملة في حالة ظهور اعراض برد تعامل علي انها كورونا

نقله: سها عزت
ظهرت عليك أعراض من اللى هقولها دى اتعامل انها كورونا ما تحاولش تثبت العكس اتعامل انها كورونا وخد علاج واتعزل ف البيت
كلنا هيجيلنا واكتر من ٨٠ ف المية هيخف من غير مشاكل وهتكون اعراضه بسيطة ولاحظ فقدان حاسه الشم والتذوق

الأعراض والعلاج المتبع للناس الي بتسأل

١- اسهال خد انتينال أو فلاجيل اول جرعة قرصين وبعدين قرص كل ٨ ساعات لو طفل يبقى انتينال شراب تلات مرات في اليوم

٢ – صداع وتكسير بالجسم وارتفاع في درجة الحرارة هناخد باندول الازرق تلات مرات في اليوم او ادول تلات مرات أو سيتال أو باراسيتمول تلات مرات في اليوم هاخده بشكل منتظم علي الأقل اربع ايام مش وقت ظهور الأعراض بس

٣- وجع في البطن هاخد بسكوبان أو فسيرلجين تلات مرات في اليوم

٤ -كحة ناشفة هاخد نوتسيل ١٠ سم مرتين يوميا وتلفاست قرص باليل عند النوم

٥_ لو الأعراض بتاعتى زايدة شوية بمعنى الحرارة عالية اكتر من ٣٨ ونص والكحة متوصلة هنزود مضاد حيوى زيثرومكس (٥٠٠) قرص واحد يوميا لمدة تلات ايام

٦ – لو حسيت أن صدرى مكتوم هجيب جهاز الجلسات واعمل جلسة اتروفنت في البيت
فنتال بخاخ عند اللزوم

٧ -اعراض مؤكدة للإصابة فقدان الشهية وحاسة الشم والتذوق
مهم جدا للمريض أنه يأكل كويس قاوم وكل مش قادر ممكن تاخد فاتح شهية ديجستين قرص قبل الاكل بربع ساعة
٨ _اشرب سوائل كتير الفيروس ده بيعمل جلطات اشرب علي قد ما تقدر طول ما انت قاعد اشرب بالله عليك عصاير كتير ودافى كتير
لو وزنك كبير او عندك امراض مزمنة زود علي العلاج اسبوسيد عشان نقلل نسبة حدوث جلطة
لو فيه امكانية نتابع سيولة دم او ممكن ناخد كليكسان أو كالهيباربن حقنة يوميا تحت الجلد خصوصا للناس اللى وزنها كبير وعندها امراض مزمنة (مراجعه الطبيب اولا)
٩- لو حد اعراضه زيادة وراح الحميات هيدوله ostemavir ده علاج مضاد للفيروس بيتاخد قرص كل ١٢ ساعة
قد يكون عندك كورونا وتخف من غير اى علاج بس التزم بالعزل والأكل الكويس كله خضار مسلوق وفراخ مسلوقه حجات خفيفه واشرب السوايل الدافية اهمهم ينسون باليمون والنوم الكويس والتعرض للشمس نص ساعه يوميا
الأعراض دي كلها يا جماعه مش بتيجي مره واحده الأعراض بتبدأ بفقدان الشهيه وفقدان حاسه الشم والتذوق وبعدين السخونيه والاسهال وتكسير الجسم والصداع..
الأعراض مختلفه من شخص للتاني فيه ناس مش بتجي لها سخونيه وفيه ناس مش بتجي لها اسهال وفيه ناس بتجي لها ترجيع ومغص فا احنا نزلنا كل الأعراض إلى ممكن تبجي والعلاج إلى ممكن نزوده لكل حاله…
الأعراض شبه أعراض البرد العادي بس في ظل الازمه إلى بنمر بيها بنعامل كل حالات البرد انها اشتباه في كرونا ونعزلها ونبدأ معها بالعلاج كنوع من أنواع الوقايه بدل بهدله المستشفيات…
الأسبرين والاسبوسبد الأطفال بناخده لاذابه الجلطات مش في كل الحالات الحالات إلى عندها ضيق تنفس بنعمل لها تحليل D-Dimer
وبنديها ادويه السيوله علشان تدوب الجلطات الصغيره إلى بتتكون في الرئه وبنديه برضه للناس الي وزنها زايد عن الطبيعي لأن بيبقى عندهم ضيق في الشرايين نتيجه تراكم الدهون الثلاثيه علشان نتفادي تكون الجلطات يعني ادويه السيوله بتتاخد بعد عمل التحليل وبمراجعه الطبيب مش لأي حد…
الناس الي سألت على تقويه جهاز المناعه بدون أصابه زنكترون قرص كل يوم وسي ريتارد قرص كل يوم وفيتامين ب ١٢ قرص كل يوم مع كوبين من الينسون باليمون دي الحاجات الي ممكن تاخدها كنوع من أنواع الوقايه…
اي مكان فيه حاله مصابه بنعقم ببخاخه فيها لتر ماء على فنجان كلور ونرش الباب السلم أو جوه البيوت والحمامات الكلور معقم لكل الأسطح سواء في العماير أو جوه البيت علشان الناس الي بتقول جيراني عندهم ومش عارفين نعقم العماره ازاي ترش كلور في كل مكان والجيران حد يشتري لهم الطلبات ويسيبوها قدام الباب ويتواصل معاهم تلفونيا ويجيب لهم العلاج علشان يفضلوا معزولين وميخرجوش…
التحاليل صورة الدم كاملة وسرعه ترسيب وCRP وانزيمات كبد ووظائف كلي وفرتين
دي التحاليل إلى بتتعمل بعد مرحلة التعافي للتأكد من أن كل القيم أصبحت طبيعية والشخص تعافي تماما من المرض.
..

شاهد أيضاً

سلطنة عمان ترفع المصريين من حظر دخول السلطنة

نقله: محمد سيف رفعت سلطنة عمان المصريين الوافدين من الحظر لدخول السلطنة نتيجة تراجع إعداد …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *