الأحد , 28 فبراير 2021
الرئيسية » أقلام وأراء » احذرو علاقات العمل… لا تتخطى الحدود الشرعية

احذرو علاقات العمل… لا تتخطى الحدود الشرعية

كتبه؛ لبنى نيازى

الشرع لما حط حدود بين الستات والرجاله في الكلام مكنش الهدف منه حفظ الفروج فقط انما كان الهدف منه حفظ النفوس كمان ..

لما تقعد في الشغل 8 او 9 ساعات مع زميلتك تخلص فيهم كل الكلام اللي في الدنيا فترجع البيت صامت مش طايق حد يكلمك كلمه…

لما تتخيلي إن عبد الله زميلك لو كان جوزك كان زرعلك الشقه ورد تبقي هبله ،تفتكري ما زرعش ليه لمراته؟! هل لانهم زارعين برتقال او جزر مثلا!..

لما شيماء تقولك لو كنت جوزي كنت عملتلك فطار خمس مرات ،وهي اصلا جوزها معلقين له محلول جفاف من الجوع…

لما يقولك شايف حزن في عنيكي وعنين مراته وارمه من آخر علقه خدتها منه…

وهي بتحللك مشاكلك مع مراتك وتقولك ازاي الست لازم تحتوي جوزها ،وهي وجوزها كل خميس في محكمة الأسرة…

جماعه دي فتنة ،وفتنة في إن كل طرف بيظهر للتاني أحسن ما فيه فينكد عليه ويغضب على رزقه وشريك حياته…

الانسان خلق ضعيفاً وطبيعي الشخص اللي بتقضي معاه يومك كله برا لو مكنتش محافظ على نفسك وقلبك ممكن تقع ..

ونقول تاني ” خيركم خيركم لأهله ” لأهل بيته اللي بيشوفوا منه كل جوانبه السيئة وصابرين عليه مش لزميلتك اللي بتقولك انت ازاي كده…

شاهد أيضاً

قانون_الأحوال_الشخصية_بين_المطرقة_والسندان

كتبه: خالد الشربيني …تستمر الأزمة طاحنة وتدور رحاها على كافة أطراف العلاقة الزوجية (المرأة، الطفل، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *