الأحد , 25 مايو 2025
الرئيسية » صوت الأزهر » اترك بينك وبين الله بابا

اترك بينك وبين الله بابا

كتب: خالد البرعى

في ناس بتصلي بس بتذنب .. في بنات بتطلع صدقة بس مش محجبة .. في ناس بتصوم بس بتغلط .. ده لو مكانش معظمنا من دول اصلا ..

سيدنا سُهيل بن عمرو بيحكي انه في يوم كان مسافر هو و زوجته وطلع عليهم قُطاع طُرق عشان يسرقوهم وفعلا خدوا كل حاجة معاهم حتى الأكل والغريب انهم فتحوا الأكل وكلوا إلا الزعيم بتاعهم .. سيدنا سُهيل استغرب وسأل الزعيم انت مش بتاكل معاهم ليه !! الأغرب كان رد الزعيم لما قال ( اني صائم ) .. سيدنا سُهيل قاله ( أتسرق و تصوم ؟ ) .. قال ( تركت بيني و بين الله باب لعلي ارجع إلى الله منه). 

و يمر الزمن و سيدنا سُهيل يلاقي واحد ماسك في أستار الكعبة وعمال يبكي ويتضرع .. فيطلع هو الحرامي بعد ما تاب .. مهما كنت بتعمل ذنوب و مهما بتغلط سيب بينك وبين ربنا باب. 

وماتنساش ان ربنا قال ( والله يُريد أن يتوب عليكُم ) .. ( إن الله يغفر الذنوب جميعا ) .. ( غافر الذنب و قابل التوب ) .. ( و يعفو عن السيئات ). 

شاهد أيضاً

مسابقة لشغل 5526 وظيفة معلم مساعد رياضيات بالأزهر.. موعد التقديم والشروط

نقله:هناء شطا يبحث العديد من الأشخاص عن تفاصيل وظيفة معلم مساعد في الأزهر الشريف، حيث …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *