الثلاثاء , 19 مارس 2024
الرئيسية » أقلام وأراء » تعليم اولادنا مش محدود .. تعليم اولادنا بلا حدود

تعليم اولادنا مش محدود .. تعليم اولادنا بلا حدود

بقلم: د. دميان مرقص

بخصوص السادة الافاضل اللي بيطالبوا بطباعة الكتب ورقيا للمرحلة الثانوية ويتجاهلوا منظومة التحول الرقمي التي تبنتها الدولة وصرفت عليها الملايين .. احب اقول لهم
ما الحاجة إلى الكتاب الورقي طالما هناك مصادر رقمية اسهل في التعامل وأكثر في المعرفة .. واحب أوضح لاساتذتي الأفاضل أن من يجي كدة عشرين سنة أو أكثر الطالب مبيعملش حاجة بالكتاب المدرسي ولا بيفتحه اصلا ومكتفي بالمذكرات بتاعة الدروس ودي حاجة سيئة جدا لانها وللاسف الشديد خلاصة الخلاصة اللي هي معمولة يادوب على اد أن الطالب يحفظ المعلومة وهوب يقوم كاتبها في الامتحان وبعد كدا ينساها أو تتبخر ايهما اقرب
وعلى فكرة أنا مش بقول الكلام ده لاسمح الله علشان انا بعمل تطبيقات تعليم الكتروني وعايز التحول الرقمي علشان احقق من وراه مكاسب مالية إنما للأمانة التحول الرقمي في التعليم طفرة رهيبة ووراه استفادة كبيرة جدا للمعلم قبل الطالب يكفي أن مصادر وطرق التعلم والتدريس كتيرة ومتنوعة وتكيفية يعني اتعلم بالطريقة اللي على كيفك وتريحك مش معنى كدة اني بقول الكتاب الورقي وحش بالعكس أنا من محبي اقتناء الكتب وتربيت منذ صغري في مطبعة كانت تقوم بطباعة الكتاب الورقي والمجلات وأحسست بمتعة تقليب الورق ورائحة احبار الطباعة ولدي مكتبة صغيرة افخر بها ومعها الان مكتبة الكترونية رقمية عملاقة لا يمكن حصر كتبها على ارفف فكل عصر وله أوانه واستمتعوا بالتعلم المفتوح المتاح للجميع عبر كافة الوسائط الرقمية وياريت كلنا نرفع شعار ومبادرة تتبناها وانا معاكم ونقول تعليم اولادنا مش محدود تعليم اولادنا بلا حدود

شاهد أيضاً

لجنة الحريات بنقابة الصحفيين تطالب محافظ كفرالشيخ بتسهيل مهمة الزملاء الصحفيين ووقف حجب المعلومات

كتب: سيف محمد سيف  طالب الأستاذ محمود كامل، وكيل نقابة الصحفيين للحريات، اللواء جمال نور …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *