الجمعة , 29 مارس 2024
الرئيسية » أقلام وأراء » عفوا يا سيــــادة الوزيــــــر… بقلم سعيد حماد

عفوا يا سيــــادة الوزيــــــر… بقلم سعيد حماد

سعيد حماد

بقلم سعيد حماد…

تعيش وزارة التربية والتعليم منذ عدة سنوات بدون وزيـر ينظر الى المهمة الاساسية للوزارة وهي التربية والتعليم فقد اغفل التربية واهمل التعليم فضاع التعليم وضاعت التربية معـــــــــه .
فاتجهت الوزارة الي استغلال و تفعيل منطق الصيت ولا الغني فابتدعت شعار مدرستنا جميلة نظيفة متطورة حتى الشعار ابتعد كل البعد عن رسالة المدرسة ورسالة الوزارة تحس انك شغال في حي او مجلس مدينة مسئول عن نظافة الشارع مع ان حتى الشعار بنسبة اكثر من 70 % مخالف للحقيقة .

1
المشكلة مش في الشعار المشكلة ان الوزارة لكي تحسس نفسها انها فعلا انها مصدقها نفسها (زي اللي بيكدب الكدبة ويصدق نفسه ) تصدر اوامر للتوجيهات الفنية والمتابعين للمدارس تبتعد عن اختصاص كلا منهم المهم يهتم بالشعار مكتوب ولا مش مكتوب على مدخل المدرسة اهم حاجه سيبك من التحضير والمدرس بيشرح ولا لأ المهم الشعار لازم يكون مكتوب في المدخل اه و ياريت لو تدهن سور المدرسة كل عـــام . وكمان خليه يكتب في التقرير اللي هوه ممكن يكون اربع ورقات احصاء الطلبة واحصاء العاملين والغائبين ونظافة الفناء ودورات المياه والسجلات والمشكلة لو زار المدرسة خمس موجهين جميعهم بيكتبوا نفس التقرير ونفس الكلام وكمان ممكن لو الاثنين زملاء وواحد سريع في الكتابة واحد يكتب التقريرين معا ً المهم يكتب .
وتخيل دور المتابعين اللي بيتابعوا الموجهين اللي هما تم اختيارهم بدون اي اسس المهم يكونوا ذات قرابة او معرفة لاحـــــد القيادات وللأسف 90% منهم من أفشل المعلمين اثناء عملهم بالمدارس .
يا سيادة الوزير
ايام ما كنت في المرحلة الابتدائية الموجهين كانوا يعرفوا اسماء التلاميذ علشان لما بيحضر الموجه كان بيدخل الفصل ويقوم بالشرح والاسئلة وكل ما يخص مادته ماكنش فاضي للشعارات ولا المنظرة هو ماله بدورات المياه ولا الفناء نظيف ولا مش نظيف ولا المدرسة متطورة ولا متولعه حتى في ناس مسئولة عن ذلك ازاي كل موجه يدخل المدرسة يمر على هذه الاشياء والمشكلة ان ممكن تكون نظيفة وبعدها بخمس دقائق مش نظيفة يا سيادة الوزير المركب اللى ليها ريسين بتغرق كفاية واحد يتابع والباقي يشتغل شغله الاساسي الفني الحكاية مش حكاية ان التقرير مش هيأخذ من الموجه اكثر من نصف ساعة ده لو البيانات امام المدير على مكتبه مش لسه هيستنى لما مسئول شئون العاملين يكتب الاحصاء والمسئول شئون الطلبة يخلص الاحصاء بتاعه لما الغياب ينزل من الفصول ولا كمان اتفرج على نفسية الموجه لما يتحول للتحقيق ويعاقب بالجزاء علشان التقرير اللي كله مفبرك يا سيادة الوزير المشكلة مش في التعليم والله ولا اسلوبه لا .
لهـــــذا يأتي وزيـــــــر يمشي على خطى من قبلـه حتى و إن وجدت بعض التغييرات الشكلية والظاهرية ولكن المنظومة هي هي وبدون شك فالفشل هو هو ما دامت الخطى واحدة فكيف يتغير الحال بدون معرفة السبب الحقيقي وراء كل فشل للوزراء .
مع ان الفشل امامهم والحل موجود
يا سادة الاسباب الحقيقية وراء الفشل المتوارث هى المنظومة وليس شخص الوزير الذي يتغير كل فترة فوكلاء الوزارات ومديري الإدارات هم اسباب الفشل لمنظومة التعليم إلا من رحـم ربي .
لابد من تغيير المنظومة كلها لابد من تعديلات جذرية
المفروض كل وزير لابد ان يكون معه طاقم كامل يسأل عنه ويحاسب على فساده مثل ما يحدث مع اختيار رئيس مجلس الوزراء بعد ترشيحه يختار وزراء ليتحملوا معه الحقيبة والمهمة وكذلك الوزراء لابد ان يكون لهم طاقم كامل من وكلاء الوزارة وكذلك وكلاء الوزارة لا بد ان يكون لهم طاقم كامل من مدير الادارات الذين يسألون جميعهم عن من اختاروهم وعن فسادهم
سيادة وزير التربية والتعليم كلمة اخيره
اذا اردت ان تذكر فلابد ان تعمل واترك خطى من كان قبلك وانسى الشعارات وغير القيادات الفاشلة .

شاهد أيضاً

روائع هيثم حمدى… تعرف على الفرق بين الفيل والكلب

اعده: هيثم حمدى حملت فيلة وكلبة في نفس الوقت 🎀 بعد 3 أشهر أنجبت الكلبة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *