الجمعة , 29 مارس 2024
الرئيسية » أخبار عالمية » متابعة… Covid-19 يستمر في غزو العالم من أقصاه الي أدناه

متابعة… Covid-19 يستمر في غزو العالم من أقصاه الي أدناه

نقله: عبدالمنصف عبدالسلام

إيطاليا النهاردة فرضت الحجر الصحي علي ١٦مليون مواطن متخيلين الرقم وساحة الفاتيكان خالية تماما والسعودية عزلت منطقة القطيف بالكامل و امريكا أعلنت الطوارئ في كل ولايتها والفيروس ضرب واشنطن وايران بتنتهي وإقليم كردستان العراق تم عزل ٢٨ الف مواطن ولبنان أعلنوا ان الفيروس خرج عن حدود السيطرة وبدأ في التفشي و ألمانيا اعلنت انه وباء عالمي وفي طوارئ وإنجلترا مات فيها ٣ والإصابات بتزيد و روسيا فيها ١٠ حالات وقفلت حدودها مع ايران والصين والسويد و استراليا وسويسرا والدنمارك و أيرلندا فيها حالات مصابة وفلسطين قفلوا بيت لحم وكنيسة القيامة والحالات بتزيد والإمارات فيها حالات والجيش الاميركي نفسه فيه حالات والكويت والبحرين الحالات بتزيد فيهم ..بقي كل الدول دي اللي المفروض عندهم منظومة صحية ملهاش زي مش عارفين يسيطروا علي فيروس ضرب العالم كله وعلي رأسهم اوروبا ليه يا حضرات علشان فيه حاجة اسمها إجراءات احترازيه اللي ناس كتير اتريقوا علي وزيرة الصحة عندنا في المحاكاة اللي اتعملت للسيطرة علي المرض احنا بقي الدولة الغلبانه اللي مش اغني من اوروبا والخليج طبقناها بحذافيرها واتعلمنا ازاي نقدر نحتوي مرض ونتعامل مع أزمة عالمية ممكن تقضي علي عدد كبير من البشر .. وفوق ده كله مصر ربنا حاميها وحافظها برعايته ..بطلوا تقللوا من شأن مصر بلدنا علمت العالم كله من قديم الأزل الطب والهندسة والقراءة والكتابه والفلك والتحضر حتي الاتيكيت والسياسه والعسكرية مصر كبيرة قوي عيب عليكم ..و بلاش الهلع اللي بشوفه علي الصفحات ده الله يكرمكم ونحمد ربنا اننا بالنسبة لدول تانيه معندناش عدد يذكر وياريت اللي نازلين نبر علي مصر يبطلوا ويهمدوا بقي وكفايه ..
ربنا ينجي الناس كلها ويلطف بينا

شاهد أيضاً

لجنة الحريات بنقابة الصحفيين تطالب محافظ كفرالشيخ بتسهيل مهمة الزملاء الصحفيين ووقف حجب المعلومات

كتب: سيف محمد سيف  طالب الأستاذ محمود كامل، وكيل نقابة الصحفيين للحريات، اللواء جمال نور …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *