الجمعة , 29 مارس 2024
الرئيسية » أقلام وأراء » حقائق هامة للتخلص من الطاقات السلبية

حقائق هامة للتخلص من الطاقات السلبية

كتبت: شيماء عبيده

إلى ربات البيوت، كيف تتخلصي من الطاقة السلبية؟

– اشتري شيكاره ملح خشن تقريبا ب٢٠جنيه أو ٣٠جنيه وكل اسبوع ارمي منها مقدار كبايه شاي ملح في كل بلاعه وحوض وقاعده حمام ، وهتلاحظي الفرق في البيت والله .

– هاتي علبه فاضيه وحطي فيها شويه ملح ونصف ليمونه وشويه خل عليهم وماتكتريش الخل عشان الريحه ، وحطيها تحت السراير تحت كل سرير علبه وهتلاحظي الفرق والله في البيت والنوم .

– حركي العفش ونظفي تحته وارمي ملح تحته وسبيه
ونظفي فوقه التراب والكراكيب ،

وارمي الدباديب والأشكال الحيوانات أو الطيور في البيت ، وهتلاحظي الفرق .

– اقفلي باب الحمام طول الوقت وبليل ولعي النور فيه لمده اسبوع وبعدها اقفلي بابه بس وماتولعيش نور ، وامسحيه بماء وملح وشبه ، وهتلاحظي الفرق والله .

– رشي المراتب بماء مرقي عطري فرش سريرك بمسك بدره أو ماء مجرد ريحه بس ، شيلي الكراكيب اللي تحت السرير ونظفي تحته ، هتحسي بفرق كبير

– رجولك تعباكي حنيها بحنه بلدي بس اعجنيها بماء ورد وهاتشوفي الفرق .

– شيلي الصور من البيت احفظيها في درج أو دولاب ،

اقفي في اتجاه القبله في كل مكان في البيت ماعدا الحمام وادعي هتحسي الفرق والله .

– بخري بيتك بحبه البركه بس بلاش الحمام يخشه نار أو بخور ولكن وانتي بتبخري سيبي بابه مفتوح وممكن أضيفي شيح للبخور، وشوفي هتنامي ازاي والأرق هيروح ازاي .

– ارمي الكراكيب اللي مش عايزاها ، وارمي الهدوم القديمه والاكياس والكراتين اللي ماليه البيت ، الكركبه بتجلب الجن للبيت ، رتبي بيتك واستغني عن اللي مالوش لازمه ، وشوفي الفرق .

– لما تمسحي بيتك حطي شويه ملح وخل في الجرد وياسلام لو تشتري ماء زهر وشبه كمان ودول يبقوا معاكي كل مره بتمسحي ، هتحسي بفرق كبير اووي .

– شغلي سوره البقره في البيت وعلي الصوت وافتحي الابواب والشبابيك يومين علي الاقل في الاسبوع ، وبعدها قفلي البيت وشغلي سوره ال عمران بصوت مسموع هادي . وياسلام لو عود بخور مسك أو عود أو ريحان يتولع في البيت . حاجه جميله اوووي وهتحسي الفرق والله .

—- رتب حياتك لنفسك محدش فاضيلك يرتبهالك ، اطرد الطاقه السلبيه من البيت ، عشان تحس أنه بيت وتحب وجودك فيه ، غير تتغير .
والله الموفق.

شاهد أيضاً

روائع هيثم حمدى… تعرف على الفرق بين الفيل والكلب

اعده: هيثم حمدى حملت فيلة وكلبة في نفس الوقت 🎀 بعد 3 أشهر أنجبت الكلبة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *