جريدة الدائرة الحمراء فى قلب الحدث
مقالات مشابهة
نقله: هاجر محمد سيف
تشكيل لجنة تقصي حقائق وهيئة التأمينات ترفع إيدها عن فلوس أصحاب المعاشات؟!
الدكتور رضا عبد السلام، عضو مجلس النواب ومحافظ الشرقية الأسبق، طلب إجراءات جديدة لإنقاذ فلوس أصحاب المعاشات:
📌 تشكيل لجنة تقصي حقائق، واستدعاء رئيس هيئة التأمينات للاستجواب أمام البرلمان:
والمجلس يتخذ قراراته بناء على التحقيقات، واللي يستوجب الإحالة للنيابة العامة يتحول إلى النيابة
📌 نقل أموال المعاشات إلى أصول الصندوق السيادي المصري:
النائب قال إن إجمالي أموال المعاشات التي استولت عليها الحكومات السابقة قُدرت بـ 800 مليار جنيه في عام 2019، ومع احتساب الإهدار اللي حصل هنلاقي في تريليونات ضائعة من أموال المعاشات
وقال إن الهيئة القومية للتأمين الاجتماعي “مؤسسة بيروقراطية وإدارية” كل دورها هو وضع الأموال في أذونات الخزانة، وده مش استثمار حقيقي
عشان كده طلب نقل أموال المعاشات إلى أصول الصندوق السيادي المصري البالغة 12 مليار دولار.
وقال: “الصندوق أصوله 12 مليار دولار، والدولة مدينة بمبلغ للمعاشات، والمعروض إن الدولة تسدد حتى 2050 بقيمة مليار جنيه كل سنة.. طيب ما الفلوس موجودة في الصندوق السيادي، ونضيف عليهم اللي تحت إيد هيئة المعاشات، ونقول شكرًا يا هيئة باللي فيكي كثر خيرك يا هيئة.
وبكده نبدأ نستثمر الأموال مع الأموال السيادة في الشركات الرابحة، وده بالظبط اللي بيحصل في صندوق النرويج اللي خد فلوس المعاشات وبقى يستثمرها في النفط والغاز، والكل طلع كسبان
وتساءل: “هل الهيئة بظروفها وبوضعها الحالي قادرة على ستر أصحاب المعاشات؟ الإجابة لا”، والدليل السيستم اللي كلف مليارات وللأسف فشلت في تطبيقه، وبعض أصحاب المعاشات مش قادرين يصرفوا المعاش حتى اليوم”
وختم كلامه وقال: هيئة المعاشات مش عارفة تستر أصحاب المعاشات وبتزود 15%، في حين إن التضخم كان تجاوز 30%، وعلشان نستر أصحاب المعاشات، لازم يكون هناك دخل، والدخل عمره ما هيكون على يد الهيئة
