جريدة الدائرة الحمراء فى قلب الحدث
مقالات مشابهة
بقلم: صلاح فهمى
سألتك ليه
نخيل الصيف دا مش طارح؟
وليه بكره بيرجف خوف من إمبارح
وسارح فيكي حزن مخيف
وليه حضنك ما عادش نضيف
وليه فيكي الخريف شهري
وليه قطرك تملي يفوت على ضهري
وليه بتحبي تغريبي
وتتباهي بتعذيبي
أشب أقطفلك الأحلام
تشبي إنتي على شيبي
تهدي عليا تعريشتي
أقول ياللي إنتي تحويشتي
هأموت……
بس إنتي لو عيشتي
هتاخدك خطوتينك فين
ولما تعودي م التوهه
بقلب حزين
هتحضني مين؟
ومين هيغني لعيونك كما غنيت
ومين هيصلي ف رحابك كما صليت
ومين شالك في قلب القلب
ﻻ قال تعبان ولا مليت
دانا المقتول في حبك صَلب
وانا من صُلب أهل البيت
