“بادور فيكى” … بقلم: منصور الزيات

بقلم: منصور الزيات
… بادور فيكى …
بادور فيكي عن واحده …
ماتشبهكيش …..
ولا ف صدك …
ولا ف غيرتك ….
ولا ف زعلك .. وتكشيرتك ..
ولا ف احساسك الواهم ..
بإني ملكك الموروث ….
بادور فيكي عن نظره ….
بتفهمني …
ف وقت مايأسي يهزمني…
وتتكاتر علي روحي سهام .. وجعي …
بادور فيكي عن نبضه دفا بعيييده …
بنورها تسامحي .. وتضمي …
وعن احساس .. تطبطب طيبته ..
علي همي … وعن رقوه ….
اقوم بعديها من حجرك …
وانا اقوي ….
وعن لمسه تمد الضي
.. جسر حنين .. لروحي التايهه …
وتسمي …
بادور فيكي عن ريحه وطن ..
غايبه …
بقالي سنين .. ماشمتهاش …
من اللحظه اللي فيها الدنيا ..
هزمتني …
وغرزت حزنها ف دمي ….
بادور فيكي عن امي …