جريدة الدائرة الحمراء فى قلب الحدث
مقالات مشابهة
اعحبنى تحقيق سهير جودة
“السوشيال ميديا بين النقد والتنمر واللجان الإلكترونية..
#رشا_مجدي: زمان كنت بستقبل شتايم كتير لو اتكلمت في أي حاجة مش على هوى الناس، حتى لو عبرت عن رأيي مثلا لأني بحب الزمالك كنت بلاقي هجوم وشتايم من الأهلاوية،
زمان كنت بتضايق لكن دلوقتي لا
ولا بشوفها ولا بهتم بيها نهائي،
عدم الرد والتجاهل هو أفضل حل، أنا مش شايفاك ومش عاوزة أشوفك ولا أتكلم معاك، طول ما أنا معملتش حاجة غلط ولا حاجة أخجل منها يبقى خلاص،
حتى لما اتصورت جنب الكعبة ناس كتبت رايحة تمحي ذنوبها،
وأنا كل اللي بفكر فيه إني فرحانة إني عند بيت ربنا، وأوقات بتكتشف إن اللي بيغير منك في نفس مهنتك هو اللي مسلط ناس أو لجان مخصوص عشان تهاجمك
#دينا_رامز: تعليقات السوشيال ميديا عمرها ما أثرت فيا، أنا عمري ما بكتب حاجة إلا وأنا مقتنعة بيها وموافقة عليها، وعمري ما بحط صورة إلا وأنا راضية عنها، فيه ناس هوايتها الشتيمة والنقد، لكن ده لا بيخوفني ولا بيضايقني ولا بيأثر عليا، ومش هيلزق فيا كلامه ولا إهانته ..
#الدكتور_نبيل_القط: أنا حريص جداً في الكتابة على السوشيال ميديا، يمكن عشان عندي مرضى وبحبهم يشوفوني بصورة معينة،
وبشوف إن السوشيال ميديا عاملة زي حركة الجماهير زمان،
…ممكن تنداسي في لحظة، عشان كده ممكن أقعد أكتب البوست أسبوعين، لأني عارف إن الناس ممكن تشوفه من زاوية معينة وتفهمه بشكل مختلف، ومش لازم كل حاجة أفكر فيها أو أقولها أكتبها على السوشيال ميديا، وعشان كده أنا حريص جداً…
📌هل سبق أن تعرّضت للتنمّر أو الإساءة عبر وسائل التواصل الاجتماعي؟”
