جريدة الدائرة الحمراء فى قلب الحدث
مقالات مشابهة
شعر: صلاح فهمى
أنا يا مصر فلاحك أنا ابن النيل
أنا المية أنا الخضرة أنا فى ليل السهر قنديل
أنا القمحة أنا الملحة أنا اللقمة أنا الهدمة
أنا عمرى فدا ترابك وعمرى قليل
………………………………………………..أنا يا مصر فلاحك رسول الخير
أنا ببنى وبين أرضك غرام أبدى وحب كبير
أنا الشمسة أنا الضلة أنا القمرة فى ليل الصيف
أنا غنوة للحب غناها فى سماكى الطير
………………………………………………..أنا يا مصر فلاحك واسمك تاج على جبيني
أنا يا مصر فلاحك وقمحك لونة من لونى
أنا يا مصر فلاحك…أنا زارع غيطان حبك
أنا منكى أنا ليكى ترابك كحل لعيونى
………………………………………………..أنا يا مصر فلاحك أنا شمسك نورت سموات
أنا الحاضر أنا المستقبل أنا ذكرى من زمن فات
أنا صلوات فى مساجدك أنا ترنيمة فى كنايسك
أنا العاشق لكلمة حق فى محاكمك
أنا الغالى على ولادك…أنا ابنك هشام بركات…
……………………………………………….هدية لروح شهيد العدالة والواجب…..
معالى المستشار المرحوم بإذن اللة..
هشام بركات…..أخوك..صلاح فهمى….
إلى جنة الخلد..ولن ننساك مصر….
