احذرو علاقات العمل… لا تتخطى الحدود الشرعية

مقالات مشابهة

بناء الانسان… بقلم منصور عبدالسلام

‏أسبوعين مضت

مواطنى معزور يرجون زيارة المحافظ.. وكهنة المعبد يحجبون عنهم الأمل.. “معزور” كفرالشيخ اسم على مسمى.. صرخة فى وجه التقدير الجزافى العشوائية الادارية

25 نوفمبر، 2024

الأزهر يعلن حاجته للاستعانة بأكثر من 12 ألف معلم بنظام الحصة

20 نوفمبر، 2024

كتبه؛ لبنى نيازى

الشرع لما حط حدود بين الستات والرجاله في الكلام مكنش الهدف منه حفظ الفروج فقط انما كان الهدف منه حفظ النفوس كمان ..

لما تقعد في الشغل 8 او 9 ساعات مع زميلتك تخلص فيهم كل الكلام اللي في الدنيا فترجع البيت صامت مش طايق حد يكلمك كلمه…

لما تتخيلي إن عبد الله زميلك لو كان جوزك كان زرعلك الشقه ورد تبقي هبله ،تفتكري ما زرعش ليه لمراته؟! هل لانهم زارعين برتقال او جزر مثلا!..

لما شيماء تقولك لو كنت جوزي كنت عملتلك فطار خمس مرات ،وهي اصلا جوزها معلقين له محلول جفاف من الجوع…

لما يقولك شايف حزن في عنيكي وعنين مراته وارمه من آخر علقه خدتها منه…

وهي بتحللك مشاكلك مع مراتك وتقولك ازاي الست لازم تحتوي جوزها ،وهي وجوزها كل خميس في محكمة الأسرة…

جماعه دي فتنة ،وفتنة في إن كل طرف بيظهر للتاني أحسن ما فيه فينكد عليه ويغضب على رزقه وشريك حياته…

الانسان خلق ضعيفاً وطبيعي الشخص اللي بتقضي معاه يومك كله برا لو مكنتش محافظ على نفسك وقلبك ممكن تقع ..

ونقول تاني ” خيركم خيركم لأهله ” لأهل بيته اللي بيشوفوا منه كل جوانبه السيئة وصابرين عليه مش لزميلتك اللي بتقولك انت ازاي كده…