الخميس , 13 مايو 2021
الرئيسية » أخبار التعليم » سبوبة التابلت الطلابي تأخذ أشكال جديدة من الابتزاز

سبوبة التابلت الطلابي تأخذ أشكال جديدة من الابتزاز

كتبه:  رانيا قنديل

معاناة ولى أمر وانا منهم مع التابلت
ولى الامر وابنه او بنته عرفوا انهم لازم يروحوا التوكيل الخاص بسامسوج لتحديث التاب وطبعا التوكيل فى المحافظة يعنى سفر ومعاناة من بعد الفجر علشان تلحق توصل وتاخد رقم تدخل بيه وهناك هتلاقى مهازل وامم طبعا كل اولياء الامور حدث ولا حرج ناس مريضة وتعبانة وفقيرة وحاجة تحزن و علشان يجى دورك تفضل بالساعات توصل ل ١٠ ساعات وطبعا لاننا جميعا كأولياء امور الحزن والمرض ماسك فينا فلازم قصاد اليوم دا نتعالج شهر دا بمبالغ الله المستعان من الوقفة وحرقة الدم .. المهم انك بعد ما ربنا يرضى عنك ويجى دورك بياخدوا التاب وتدفع على حسب المطلوب للتاب من عند ٥٠ جنيه لحد ١٦٠٠ جنيه ونخلص على كدا لأ طبعاً يرجعوا يقولوا تعالوا بعد يومين وبنفس الطريقة لازم تروح من بعد الفجر علشان تاخد رقم وتفضل واقف لبعد العشاء .
نقطة ومن اول السطر يا مسئولين هو للدرجادى احنا ملناش عندكم تمن ايه المهازل دى
كان التحديث للتاب من المدرسة ببلاش ايه التفانيين فى تعبنا وتتويهنا والساقية اللى بتدورونا فيها هو مش مكفيكم ان معندناش ولا صحة ولا فلوس نصرف نجيب شريط دوا مش مكفيكم الهم اللى احنا فيه من كل جانب وبنعافر وبرضو بنقف جنب البلد بكل الطرق
…على الاقل يا مسئول ابعت حد من الشركة للمدارس يحدث التاب طيب ليه وعلشان ايه سحبتوا صلاحيات دور التطوير التكنولوجى فى التحديث فى المدارس اللى كانت ببلاش… انتم ليه بتحاولوا تهدموا اللى الريس بيحاول يبنيه اتقوا ربنا فينا واتعاملوا مع المواطن المصرى بآدمية وبما يرضى الله ..
رانيا قنديل مواطنة مصرية

شاهد أيضاً

الصحة تعلن خطة التأمين الطبي بمحافظات الجمهورية خلال العيد

نقله: سها عزت  أعلنت الدكتورة هالة زايد، وزيرة الصحة والسكان، خطة التأمين الطبي الشامل خلال …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *